ஆம்பூர் நலம் விவேக் கிளினிக் சார்பில் 2 நாள் இலவச வர்ம சிகிச்சை முகாம் ஆம்பூரை அடுத்த பெரியாங்குப்பம் குறிஞ்சி மெட்ரிக்குலேசன் பள்ளி மற்றும் சான்றோர்குப்பம் ராஜீவ்காந்தி ஆங்கில பள்ளியில் நடந்தது.
முகாமிற்கு டாக்டர் சுரேஷ் தலைமை தாங்கினார். பள்ளியின் தாளாளர்கள் சங்கர், முரளிதரன் ஆகியோர் முன்னிலை வகித்தனர். சிறப்பு அழைப்பாளராக பெரியாங்குப்பம் ஊராட்சி மன்ற தலைவர் அமுதா தங்கராஜ் கலந்து கொண்டார்.
வர்ம கலை மாணவர்கள், பேராசிரியர்கள், சித்த மருத்துவர்கள் என 40–க்கும் மேற்பட்டோர் கலந்து கொண்டு, வர்ம புள்ளிகளை தூண்டுதல், எண்ணை ‘மஜாஜ்’ போன்ற பல்வேறு முறைகள் மூலம் சிகிச்சை அளித்தனர். இதில் 300–க்கும் மேற்பட்டோருக்கு சிகிச்சை அளிக்கப்பட்டது.
271 total views, 2 views today